MOSSAD Kong

Ahopoh nih theih kan duh ngai cio mi kong cu Israel Intelligence network atlaitu MOSSAD kong hi asi. Mossad cu April 1950 ah Israel hmasabik Prime Minister arak tuanmi David Ben Gurion nih arak dirh mi Spy Network asi. MOSSAD hi Israel cozah nih ramleng ( abik in Arab world ) pawl kong hlathlai tu ah ahman hna i ramchung zohkhenhnak ( homeland security and spy network ) caah cun Shinbet timi buu ahman hna.

Mossad cu vuleicung spy thiambik le minthangbik an si ti in recognize tuah mi an si. MOSSAD cu department 8 in an then. Mah chung ah abiapi 6 cu atanglei hi an si. Cun hi Dept 8 ah hin tihnungbik le risky cem mi cu Metsada pawl rian hi asi. MOSSAD Director tuanmi poh cu 1996 tiang ah an min langhter phung arak si lo nain 1996 hnu khan Director appointment kha Israel nih official in zapi ah athanh ve. Atulio MOSSAD Director cu Mr. Meir Dagan asi.

Collections Department
Political Action and Liaison Department
Special Operations Division Or Metsada
LAP (Lohamah Psichologit) Department
Research Department
Technology Department

Israel ram cu parliamentary democracy uknak an si i parliament hi pakhat lawng an ngeih i cucu Knesset ti asi. Party hi cu hlan kum 50 chung cu Likud party le Labour party lawng an um nain Ariel Sharon nih adirh thar Kadima Party um hnu khan atu cu Main party hi 3 an si cang.

Likud party cu Conservative an si i Labour pawl hi Democratic party khi an si. US nih cun Conservative hi Republican ti in auh hna.

Atulio Israel Foreign MInister tuan mi Ms. Livni hi MOSSAD spy minthang tak tak asi i Arab ramchung ah hin nu asi nain athli tein spy kum saupi atuan caah Arab holh zong hi anmah Arab tluk tein athiammi asi.MOSSAD spy tuan cu zeitluk in dah ahar ti ahcun anmah spy le spy hi an theihter hna lo i anmah le anmah hna i ani tlai i heh tiah ani hrem hnu ah zumhtlak an si le si lo test ani tuah hnu ah ramdang ah hin ani thlah hi atam. Psychology Department hi mithluak tawltu/ mi hlen dan/ le news phunphun chuah tu an si. Metsada hi aherh ahcun mithah tiang risk laatu an si. Ali Cohen kha Metsada spy arak si.

US ahcun ramdanglei spy network hi CIA- Central Intelligence Agency nih an tuan i ramchung hi FBI- Federal Bureau of Investigation nih an tuan. FBI ahcun rank aum lo, an dihlak in Federal Agent an si i team leader lawng an ngei.

CIA cu Harry S Truman nih adirh i FBI cu Franklin D. Roosevelt nih adirh mi asi.

MOSSAD cu Bible ca chung i Phungtlukbia 11:14 khi an motto a si. Mah Bible te khi i tleih in an rak dirhmi asi.

Nihin Isreal le Palestine an buaicemnak amuru cu Jerusalem khi khuapi ( capital ) veve ah ani ruah veve mi hi asi. Cun Likud pawl nih anitleih peng mi Zionism ah cun Zion ram timi hi Israrel nih dirh ding ti asi i mah Zion ram ahcun Syria tlang an va chuh chom mi hna Golan Heights hmanh khi pek than an duh lo.

Asinain Labour pawl nih cun deihnak ding asi ahcun an ti i hlanlio ah Jericho khua asi i atu ahcun West Bank ti in an auh cang mi hmanh khi Palestine kut ah an pek ngam hna. Cun Bethlehem khua zong khi Labour nih PLO apek hna nain Municipal authority tu cu Israel nih an ngeih thiam thiam.

Atu i Israel Prime Minister ahung kai than mi Benjamin Netanyahu hi Zionism azuum mi asi caah Palestine le Arab nih an tih ngaimi asi. Ral achuahter lai ti an phang. Yizak Rabin kha labour party in deihnak aduhtuk mi arak si i Jerusalen hmanh hi hmailei ahcun Palestine miphun he nihchuah/nitlaak i cheu in um ding tiang aruah caah law student asimi Yigal Shamir nih 1993 ah meithal in arak kah nak kha asi ti asi. Israel ram azuar lai caah azuar hlan ah ka thahnak asi ati i Shamir kha Rabin na thah hi na chir maw an ti i ka chir lo ati. Life sentence an pek ve.

US ah hin Israel miphun hi 6 million hrawng an um pin ah mirum lawng te an si i US politic hi influence an tuah ngai ngai caah Arab pawl nih " There are two Israels in the World" an ti nak khi asi. Israel ram hi 2 aum i pakhat cu US ah aum an ti.

Duhsah tein Zudah miphun le Israel miphun an i dannak ka vun peh than te lai. Ani khat ko nain Royal Hierachy timi siangpahrang si khawhnak ah ani dan nak hi anmah Israel miphun tuanbia ning tein aum i cu caah nihin ah Israel ram cu aum than cang nain Zudah siangpahrang ti aum ti lo i Israel ram head of state cu President asinak khi asi. Ka vun peh than te lai.

MOSSAD -

"Where no counsel is, the people fall, but in the multitude of counselors there is safety" Proverb: 11. 14
Catialtu,

Victor Khen Sang
( Thawngpang Moderator )

Cafang fonh ka palh sualcun ka theihthiam te uh tiah kan nawl hna.
Asennak cafang poh khi Click uh law English Reference laaknak aum lai.

***

Bihzun Blog Hneksaknak (1-nak)

Hawile,

Mah hi Blog design kawlnak le hneksaknak ah ka tuahmi a si. Blog pahnih tuahciami a um i cu hna Layout remh/thlen ka duh tikah direct in thlen ahcun a rawk sual lai tiah mah ka hin hneksak hmasanak ding a si.

A tthat ahcun kan hman lengmang lai. Bihzun cu Thlalang a si bantuk in thlalang chungah kan hmai le kan pumpaluk kan izoh bantuk in kan sining kan ihmuhnak ah si hram ko seh.

Lawmhnak he can vialte chung nunkhawh izuam cio usih.

Bihzun tawlreltu

***