THAWNGTHANHNAK

Source: Zophei Forum (26 April 2009) Akong: Zophei Baptist Association Thawngthanhnak Bawi Khrih ah dawtmi ramdang um Zophei u le nau nan dihlak hi cakuat in nan kut kan tlaih hna.Ka cakuat nih dam in an phanh cio theu hna lai tiah zumhnak ka ngei ko.Nan dih lak sin ah kan Bawipa vel le daihnak um camcin hram ko seh. Khuate lei cun nan sin i thawngthanh hi a rak her tuk ton i khua caan tete ah thawng kan in thanh ton hna caah kan kung a tha ton lo.a ruah zia rak kan thiam ko ne uh.ZPBA thawng tlawmpal ka vun in thanh hna. 1. 2008-2009 Budget kum chung cawlcanghnak       *A voi 11 nak ZPBA Bible Conference cu )October 4-7,08 tiang Congthia Baptist Church ah tuah a si.Khual 200 reng lo an tlung kho.CCC Principal Rev.Dr. H.Siang Kung nih "Worship"ti mi tlangtar in cawnpiaknak a ngei i kan i lung hmuih ngangai.Khual he lai he minung 500 tluk leng mang cawnnak ah an i tel kho.    *A voi 1 nak Zophei ram chung Buukip fonh Pastor te hrimhthannak cu Yangon ah November 10-13,2008 tiang tuah a si.Zophei ram chung pastor te 70 tluk an kai kho.Hi Programme chuaklak in a kan tawlrel piak tu Rev. Khamh Cung Nung cung ah lawmhnak chim cawk lo kan ngei.    *ZPBAWF leadership thaining cu Zephai A Baptist Church ah December 4-6,08 tiang tuah a si.ZPBA ram chung khua kip in nu upa pa hnih cio an kai kho.Rev.Ngun Kham,Pastor Ngai Men le sayama Fam Par nih an cawn paik hna.    *A voi 12 nak ZPBAWF Civui le training cu January 22-25,09 tiang Hlam Phei khua ah tuah a si.Khuakip nubu minung 249 an ra kho."Thlarau Nun"ti mi tlangter in Rev.Ngun Kham le Pastor Sang Iang nih an cawn piak hna.    *A voi 11 nak ZPBA BM Meeting le Civui pi cu Feb,26-March 1,2009 tiang Leitak A ah hlunghlai ngai in kan tuah khawh i Pathian kan thangthat.Thantlang in Dr.Hmuh Thang le an nu,Yangon YLBC in Rev.Biak Hnin nih an kan tel pi i kumdang nak in a nuam khun.Khual tlung 745 an tlung kho.    *A voi 12 nak ZPBAYF Civui le Training cu Vawngtu khua ah April 3-5,2009  tiang tuah a si.Khuakip in mino 250 tluk an tlung kho.Cawnpiaktu ah CCC lecturer sayama Siang Zi an sawm i mino dihlak an i lunghmuih ngaingai. 2.Hriphi area nupa kan leng hna.    Hakha lei i kan nu kan pa minung 7 le ZPBA ram chung in nupa minung 33 kan zapi minung sawmli nih April 4-5,09 ah khan Kuhchah khua ah Hriphi Area nu pa hna kan va leng kho hna.Hriphi B in nupa 6.Hriphi A in nupa 5 an phan kho.Thal 5 ni 12:00 noon  in Baptist Biakinn pi chung ah biaruahnak kan ngei.Ksn bis s dih lo caah zanpumh khawh 9:00 PM in 11:00PM tiang biaruahnak kan pehthan..Lungawi diriam tein bia kan i ruah kho i kaphnih in kan lung a hmui ngaingai.Hmailei Pathian nih a rem a ti tik ah cun kan i pumkhat hrim ko lai tiah ruahchannak kan ngei ko.Hi lenkainak caah ti in Australia um Zophei u nau nih K.660000/- an rak kan kuat i kan i lawm tuk hringhran.ZPBA in Naatum tlaih kua kan i phorh.Hriphi Area nih cawtum,Kuhchah nih vok thau sumhnga an kan thah ve. 3. Motor kan cawk.    *USA a um mi Zophei Family Network of America hruainak in US um Zophei u nau nih thazaang tampi an rak chuahnak thawng in Haimual Jeep 7/B 3552 cu February thla chung ah K.15500000(sing za le sawmnga le panga) in kan cawk khawh i Pathian kan thangthat.Hibantuk caan har lio ah ngeihchiah thazaang tampi chuah in Motor a kan cawk piak tu USA um Zophei unau dihlak cung le a kan tawlrel piaktu ZFA Committee ups dihlak cung ah lunglawmhnak chim cawk lo kan ngei.Lisence kan thlen khawh rih lo caah Line ah kan lut,Ayechain ah.I din lo titluk in Zophei ram chung ah a kal cuahmah cang.Kan miphun caah rilcat a kan pehtu a si hrimhrim ko tiash zumhnak kan ngei ko.Kan miphun caah Bawipa nih a lu nun ter hram ko seh. 4. 2008-2009 Budget kum chung ZPBA ram leng in hmuh mi phaisa Cazin   Ngaktah zohkhenhnak:    1)Rev.Sai Fung (Malay)  ......                      K.   300000/-    2)Pu Saw Aung te chungkhar(Norway)       K.  300000/-    3)Pu Rial Cem te chung khar(USA)             K.  100000/-    4)Pu Bawi Cem te chungkhar(Norway)       K. 1000000/-    5)Pu Moses Thawng Lian (USA)                  K.  245000/-    6)Mr.Cung Lian Bik (Canada)                      K.  241000/-    7)Tikir nu le pa (Denmark)                          K.  220000/-    8)Pu Lei Thawng le a hawi(Malay Zephai) K.  100000/-    9)Pu Rung Thang (Malay)                           K.  100000/-  10)Pu Za hmung (Norway)                            K.  100000/- 11)Pu Ngun Er  (USA)                                    K.    20000/- 12)Mr.Biak Thawng Ceu (Norway)                K.  100000/ 13)Mr.Za Hmung   (Australia)                        K.  100000/- 14)IZCC (USA)                                               K.1140000/- 15)IZCC Nubu (USA)                                      K. 500000/- 16)Germany um CCF                                    K. 200000/- 17)Ni Len Tial  (Norway)                               K. 300000/- 18)Newzeland CCF                                       K. 230000/- 19)CBMC Nubu (USA)                                    K. 347000/- 20)IZCC CE Department                                 K. 300000/- 21)Zophei Fellowship(Malay)                        K.2500000/- 22)David Sui Thang &Genesis  Van Tha ParK.  300000/- 23)Moses Thawng Lian (USA)                       K. 200000/- 24)Mr.Siang Lian Mang&an nu(Norway)      K. 500000/- 4.Ramthar riantuan nak caah kan hmuh mi    1)Pi Ngun Za Hniang le chung khar  (USA)      K.  100000/-    2)IZCC  (USA)                                                   K.3060000/-    3)Pu Van Hnin (Canada)                                  K.   90000/-   4)Pu Bawi Cem te chungkhar (Norway)            K. 800000/-   5)Pu Bawi Sang le a hawi(Norway)                  K.2100000/-   6)Congthia (Malay)                                            K. 628000/=   7)Hlamphei (Malay)                                           K. 938000/-   8)Mrs.Thlaawr Bawi Hrin  (USA)                        K. 120000/-   9)Pu Maung Sein  (USA)                                    K. 120000/-  10)Mr.Bawi Sang Lian (USA)                              K.1077000/-  11)Galgary Christian Church(Canada)                K. 314000/-  12)Ottawa Nubu (Canada)                                  K. 315000/-  13)MCMC  (japan)                                               K. 360000/-  14)Bawi Sang &le a hawi (Norway)                    K. 540500/-  15)Pu Ceu Hlei Lian (Yangon)                             K. 600000/- 5. Admin ca a kan hlu mi hna    1) Pi Mang Hlei Tial (Norway)                         K. 300000/-    2)Zophei unau (Australia)                                K. 660000/-    3)IZCC (USA)                                                    K.1500000/-    4)Washington DC Zophei unau                        K. 570000/-    5)Mr.Hrang Cem (USA)                                     K. 570000/-    6)USA Zophei (Motor project ca an kan                           kuat cang mi........                    K.13294200/- Note: Mah hi cazin hi February thla dih tiang cazin ning in a si caah telh rih lo mi zong a um ko lai,hmailei cazin tu ah a lang te ding zong a um lai.A ruah zia rak kan thiam hram uh. Hitluk in ZPBA riantuannak caah tiin thazaang tampi a rak chuahtu kan u nau nan cung ah Pathian nih a thluachuahnak kut kau chin in in samh piak hram ko hna seh. Lunglawmhnak chimcawk lo he, A rian thiang ah, Ngun Kham General Secretary, ZPBA.

Congratulations to her excellency Pi Nengcha Ihouvum

Source: Laiforum, Rungcin mail on 24 April 2009 Akong: Pi Nengcha Ihouvum's Award from Prime Minister   The people from the Chin State of the Union of Burma send our heartiest congratulations to her Excellency  pi Nengcha lhouvum, IFS for her wonderful achievement which might need special bravery to evacuate  all those stranded civilians from the war zone in  a foreign land. The Chin people  take great  pride of her as a great woman of our kindred to attain such a high office in the country of the second largest population in the  world to be an example and courage to young women of our people both on  India  and Burma sides.    Lian Uk. ============ PM AWARD FOR HER EXCELLENCY, PI NENGCHA LHOUVUM, IFS   HER EXCELLENCY, PI NENGCHA LHOUVUM, IFS receives PRIME MINISTER'S AWARD FOR ADMINISTRATIVE  EXCELLENCE 2009   Born to (late) Pi Hatkholhing and Pu SL Palal in Imphal on 18.05.1957, she graduated in BA (Hons) English from the North Eastern University (NEHU), Shillong in the year 1977. She joined IFS in 1980 while studying for Master Degree in Miranda House, Delhi University. She is married to Pu Gautam Mukhopadhya, an IFS topper of the same batch, in a Church in Paris on 29.03.1985. They have two lovely children: Maya (Lhingneichong) 20 and Mihir (Chonmang) 17 years respectively. During her remarkable career, she has held the following assignments successfully:    1.  Indian Ambassador to Lebanon since 2005,  2. Joint Secretary at Headquarters,  3. Deputy Consul General of India, New York,  4. Director at Headquarters,  5.. First Secretary, Indian Embassy, Cuba,  6. Second Secretary, Indian High Commission, Bangladesh,  7. Third Secretary, Indian Embassy, Mexico.   She also speaks Spanish and Bengali fluently besides English and Hindi. She is among the chosen few, and the first Indian Foreign Service Officer, who is warded the "Prime Minister's Award for Administrative Excellence 2009". We extends our heartfelt congratulations on her grand achievement. May the good Lord guide her in every steps of her life.   ------------------------------

'Hringtu apa le a u le nih sualpi mi kum 13 nu'

Source: Thawngpang mail on 24 April 2009 Akong: Malaysia i sualnak thawngpang   Ahringtu apa nih afanu kum13 te asi mi cu Malaysia ah asual pi tawn. Voikhat sualpi ah phaisa RM1 apek tawn ti asi. Apa nih atleih hrem tawn lawng cu siloin a u le pa 2 ( kum 15 le 17 ) zong nih an pa nawl cu ani cawn ve i an farnu te cu an tuai tam peng ve ti asi. Nu te nih acelh ti hna lo caah a sayamah nu achimh i police report an tuah i hi kong hi apuang mi asi. Apa cu palik nih an tleih cang. Hi pa nih hin fa 7 angeih hna. Hngakchia deuh ah nu kum 7 le kum 9 an um rih. Tlai manh hna seh hlah law an hung upat deuh in cun zeitin dek a tuah ve hna hnga.   Malaysia ahcun hringtu apa nih fanu le tleih hrem hi nichir ti awk in aum kho. Abik in Muslim cu an biaknak nih nu hi lengchuah le pa he i neih deuh um phun aduh lo caah inn ah an erh hna i an pa le nih hin caantha i laak zau in fa le kha an no lio tein sualpi hi aum tam ngai ngai. Tuluk le India pawl ahcun hi bantuk hi theih aum bal lem lo. Cucaah biaknak ah hin minung taksa ah kan nun nak ah hin hrial aherh mi le zalonnak ( freedom ) tete hi thatein tuaktan nak um chih ahau peng.   Biaknak Kong ah:   Taksa in a nung mi kan si caah kan taksa nunnak hi thih hnu thlarau nun than nak caah kan biaknak in temtawn chih tuk hi cu mah le mah thong i thlaak tluk asi tiah kei cu ka ruah. Zei biaknak hmanh aluarpar kai tuk in zumh hi atha hrim lo. Damnak sii hmanh aza in din thiam lo ahcun thihnak poison an si dih ko.   Biaknak poh poh ( religious ) hi minung kan caah thih hnu nun ruahchan nak caah kan nun lio ah tuahsernak in thiltha tuah ding, Pathian biatak in zumh ding ti mi in i cawnpiak dih asi ngawt. Asinain Biaknak zulh thiam lo ruang ah minung rawhnak ( moral delinquency ) hi tambik achuak ve tawn. Caan adong lai hei ti bantuk, atuhrim hrim ah Pathian fuh uh, Na chir zok lo ahcun tih anung cang hih' hei ti bantuk ruahnak nih minung thinlung der deuh pawl hi fawi tein a hrawk tawn hna. Shiite muslim nu pawl le bang khi cu an lu zong ani khuh dih i an mit te lawng an langhter khih.   Health - Ngandamnak kong ah: Arab thetse rawn nilin lak ah khitluk bak nilin lak ah an va le nih rang ani cit i an nupi le pawl nih an hnu te in ani azulh ter mi hna khi cu zangfaak tuk an si ko. Arab miphun zapi deuh i nu pawl hi nun khuasau an tlawm deuh nak hi mah ruang hi a tel kho men mi asi ko.   Thawngpang Moderator   ------------ --------- --------- --------- --------- ------------- --------- --------- --------- ---------- Father paid her RM1 every time they had sex 2009/04/24   GEORGE TOWN: A 13-year old girl who was allegedly turned into a sex slave by her father and molested by her brothers for the past five years finally plucked up the courage to lodge a report on Wednesday. The Form One pupil confided in her teachers the trauma she had been subjected to at her home since she was 9 years old. Following the report, police arrested her 47-year-old father and her older brothers aged 15 and 17. The father, an odd job labourer allegedly raped her on several occasions, while her brothers took turns to molest her. The girl told police that the first time her father raped her was when she was 9 years old. She said she had gone with her father to collect banana leaves when he raped her. After that incident, she was paid between RM1 and RM2 by her father each time he sexually abused her. The girl did not disclose this to her mother, who is a housewife, as she was afraid. But on Wednesday, she decided to reveal all to her teacher, as she was afraid that her younger sisters, aged 7 and 9, would suffer the same fate. The victim has seven siblings. Her teacher then took her to the Bukit Mertajam police station where a report was lodged. State Criminal Investigation Department chief SAC II Wan Abdullah Tuanku Said said the girl was also raped in her house and in a secondary forest in Berapit. He said all three suspects were picked up from their homes on Wednesday, adding that the case was classified as rape and molest. In an unrelated development, Wan Abdullah said said police have also arrested a 19-year-old man for allegedly raping his 22-year-old girlfriend. He said the suspect took advantage of the victim after taking her to a hotel room in George Town last March. Wan Abdullah said the victim lodged a report on Wednesday and the police detained the suspect shortly after.   ================= Life is like a book, everyday is new pages

Thawngpang (April 2009)

Source: Metkhuabo Mail (22 April 2009) Akong: Atu lio (April 2009) USA lei thawngpang   Laimi tampi umnak  Fredrick khuakam te  ah American pa pakhat cu tulio sipuazi a tlak ruang le Florida I a inn azuar khawh lo caah Leiba ting 4 a ngeih caah Anu pi le afa le pa 3- 5,4,2 a thah hna.An hnawng bak a tan hna ti asi.Thlakhat a lahkhah hi US$8000 asi.US ah cun kumkhat Ting 25 lahkhah a ei mi hi President Obama nih misifak cazin ah khumh loding ti asi caah acheu hna cu athin ahung ngai.Kumkhat ting 25 hna cu a ei khim fang fang lawng pei kan si ko cu an ti ve hoi.   Kan mah umnak khua mi ,David Kellermann kum 41- chief financial officer of money-losing mortgage giant Freddie Mac (Mithluakttha ngai le mittha timipa) cu  tulio sipuazi thlak ruang ah a tuaktan awk theih ti lo ah an inn tang ah hri in a awk ti asi.An kut ah phaisa hi million in atlai mi an si nain zeitindik asi hnga? Kan nih zumtu hna cu Paul bang in rawltam zong ah a tuar kan thiam Pathian thluachuah asi.   Obama akawi ttha bik Emanuel cu nai CIA pawl mihren ruang ah an bia an I kalh pah.Obama lei micheukhat nih Bush chan lio I mithathmang miphun pawl an hrem mi hna kha a phung asi lo ee tiah atu hi an cawih lio hna pi asi.PuBush hawi le nih cun hitluk mitthalo hna mihnawng zong acik lengmang mi hna.Miban zong atan mi Bomb puah hi lentecelh bantuk men I aruat mi  Sep 11 lio I akan thah le kan inn le lo pi achimhmihna hitluktal hrem lo ah cun zeibia hmanh an chim ttung lai lo an ti ve.Kan mah hmanh kan sipuazi atlak he aluan cia thil le kan ral hna kong ah I el cu apoituk hrinhran ko tiah an ti len lio pi asi. An mihrem ning hi Kawl le Tuluk pawl mihrem ning he cun tahchunh awkthlak hmanh khi asi lo.   Obama hi mitluangtlam tuk palia  asi caah a ral hna nih zei an rel lai lo ti aphang mi kan tam ngai.Atu hi angki lo hna in hman aa thlak mi Washingtonian magazine aphaw ah an cuan ter.Bush kum 8 lio ah zeihmanh achim ngamlopa Iran president pa cu nizan ah UN meeting ah Israel cu lakawkthlak lo in ati caah Ram 20 in upa pawl meeting bak in an chuak US zong an I tel ve.Atu hi Israel nih Iran cu tuk a timh lio pi asi.US aw an ngaih dawh an si.Iran nih le Isarel nih a kan tuk ah cun an I ngaichih tuk te lai ee ti lawng an chim ve.   Tulio US TV ah alar mi le Utube ah an zohbik nu "Britains Got Talent" hlasak lar Susan Boyle nungak lengttul cu kum 50 deng asi nain pa hmanh a kiss bal lo ti asi. Na virgin na tlau lio vedio kan in lak lai (Pa he nan ih tti lio)I million pakhat bak kan in pek lai tiah Kick Ass Film company nih an chawnh cuahmah lio pi asi. Lainu pawl Q? ihal phu te asi ve.Lakphak hraikhat maw?Phaisa thongkhat maw?Vanlawng ticket pakhat ca menmen hna ah Virgin a thlau mi pawl an um ah cun apam ngai ding asi.   US cu rian phuah mi an tam tuk caah inn ah cun um deuh hna kaw  ACHIT watthuh Dawtnak capar cauk hi aman ngai ti asi.Mah thluk lungretheih ah Bible rel lo in cubantuk cauk hna rel cu tiah keimah zai in ka zai sek.   A luancia kum 1980 hrawng HAKA high school I PT Saya cun Lung Biakinn pi ah hla hruai asi mi Saya Tum Ceu (atu cu Dr.Tum Ceu asi cang ) cu Washington DC ah acam lio pi asi. Rangoon MIT sianginnn chuak zong asi.Mah belte Korea ram ah Bible acawnchap hnu in azumhnak zong aa chap kan ti lai cu. Lai mi kan lunga fian nak ding  ah cun a piangthar kan ti lai cu . Zan 2 riak ding asi nain kan Krifa bu nih kan thloh caah zarh khat deng acam lai. Sunday a sermon cu Kan Pathian cu kan sual kolio zong ah akan dawt tu asi timi le kan mah zong nih amah lawng hi kan tthangawk asi timi a chim kan website ah www.cbmcdc.org aruah hlan ah kan khumh vete lai I rak ngai cio te uh.Aleng lei I pumh sawh sawh le hlasak sawhsawh si hin lo in lungthin in akang mi,aalh mi asi ahau ee ati.   PaShiang, DC ================= Life is like a book, everyday is new pages

MANUALS 2009

HANDBOOK 2009 Health: 1. Drink plenty of water. 2. Eat breakfast like a king, lunch like a prince and dinner like a beggar. 3. Eat more foods that grow on trees and plants and eat less food that is manufactured in plants. 4. Live with the 3 E's -- Energy, Enthusiasm, and Empathy. 5. Make time to pray. 6. Play more games. 7. Read more books than you did in 2008. 8. Sit in silence for at least 10 minutes each day . 9. Sleep for 7 hours. 10. Take a 10-30 minutes' walk every day. And while you walk, smile. Personality: 11. Don't compare your life to others'. You have no idea what their journey is all about. 12. Don't have negative thoughts or things you cannot control. Instead invest your energy in the positive present moment. 13. Don't overdo. Keep your limits. 14. Don't take yourself so seriously. No one else does. 15. Don't waste your precious energy on gossip. 16. Dream more while you are awake. 17. Envy is a waste of time. You already have all you need. 18. Forget issues of the past. Don't remind your partner with his/her mistakes of the past. That will ruin your present happiness. 19. Life is too short to waste time hating anyone. Don't hate others. 20.. Make peace with your past so it won't spoil the present. 21. No one is in charge of your happiness except you. 22. Realize that life is a school and you are here to learn. Problems are simply part of the curriculum that appear and fade away like algebra class but the lessons you ea rn will last life time. 23. Smile and laugh more. 24. You don't have to win every argument. Agree to disagree. Society: 25. Call your family often. 26. Each day give something good to others. 27. Forgive everyone for everything. 28. Spend time with people over the age of 70 & under the age of 6. 29. Try to make at least three people smile each day. 30. What other people think of you is none of your business. 31. Your job won't take care of you when you are sick. Your friends will. Stay in touch. Life: 32. Do the right thing! 33. Get rid of anything that isn't useful, beautiful or joyful. 34. GOD heals everything. 35. However good or bad a situation is, it will change. 36. No matter how you feel, get up, dress up and show up. 37. The best is yet to come. 38. When you awake alive in the morning, thank GOD for it. 39. Your Inner most is always happy. So, be happy. Last but not the least: 40. Please Forward this to everyone you care about. Have a blessed day. ------------------- Note: Mah message hi Maahliap nih 20 APR 2009 ah a thlahmi tarchin mi a si.

Mifim Bia 20

Source: Thawngpang Group Mail (on 20 APR 2009) ( 1 )      Still water runs deep            - Tidai cu thuuk pi in aluang" ti nak asi. Asawh duh mi cu minung ah hin a holh tamtuk mi nak in dai tein um zir i thuuk pi in khua ruat mi khi mifim an si deuh ti asi.   ( 2 )     The want of money is the source of all evils            - Phaisa duhtuk hi thatlonak vialte te i ahrampi asi" ti nak asi. Asawh duh mi hi  hakkauh tuk i aza ti hngal loin phaisa mit lawng au ahcun thatlonak zong in phaisa hmuhnak asi poh ahcun kal asi cang caah thatlonak thingkung i ahrampi cu phaisa duhtuk hi asi tinak khi asi.         ( 3 )     A wise foe is better than a foolish pal            - Mihrut  hawikom ngeihnak in mifim he i ral hman atha deuh" tinak asi. Asawh duh mi cu na thanchonak ding le na hngalhthiamnak kauhter nak caah zeihmanh santlai lo i hruh lei lam lawng an pialpitu hawikom ngeihnak cun afim mi naral kha atha deuh ti asi.   ( 4 )   Action speaks louder than words          - Tuahnak cu chimmi nak in a aw a thang deuh" tinak asi. Asawh duhmi cu kaa lawng chim len nak incun a tuah bak tuah mi nih khan chim hau ti loin tuahnak nih khan achim viar cang ti nak khi asi.   ( 5 )  It is no use crying over spilt milk.          - Atlecia mi cawhnuk cung ah va tah len cu san atlai lo" tinak asi. Asawh duh mi cu a thicia mi ruak cung ah kan dawt tuk ee tiah va tah len cu san tlai ti lo tinak zong asi.   ( 7 )  A bad excuse is better than none          - Thiam lo bu pi in ngeihthiam hal cu hal lo nak in atha deuh" tinak asi. Minung nih kan palh kan theih ko nain ka palh ti duh lo hi kan palhnak kha kan dirpi ko ti alawh lo caah ka palh ko ti poh kha chim loin um nak cun atha deuh zungzal ko tinak asi. Greece phungthlukbia asi. Laimi nih kan chanbaucem nak te asi fawn.   ( 8 ) Don't hear one and judge two         - Bia kamkat lawng theih cang ka in kam hnih in biachahnak tuah colh hlah" ti asi. Asawh duh mi cu - Minung pahnih buainak kong ah pakhat chim mi lawng ngeih in an pahnih ah ahodah palh / palh lo ti ah biachahnak tuah colh phung asi lo ti asi.   ( 9 ) All that glitters is not gold        - A tleu mi poh sui an si lo" tinak asi. Asawh duh mi cu zeithil poh hi asimi alo nain asi lomi an um dih caah thleidan thiam ahau ti asi. Kawlholh cun: Atuh - Asit ti khi asi hnga..   ( 10 ) Among the blind the one eyed is king          - Mitcaw lak ah mit pakhat tein khuahmu mi cu an lak ah siangpahrang asi" tinak asi. Aduh nak cu zeihmanh hngal lo mi zapi lak ahcun arak hngaltu te pakhat aum ahcun cu pa cu an siangpahrang tluk asi ko ti nak asi.   ( 11 )  Beauty is only skin-deep            - Dawhnak cu titvun caan lawng athuuk" tinak asi. Asawh duhmi cu muidawh hna i ani dawh cu an titvun cung te ah ai benh sawh sawh mi khi asi ko tinak asi.   ( 12 ) Bad news travel fastest           - Thawngchia hi a khualtlawn arangbik" tinak asi. Chim duh mi cu thawngpang tha nak in thawngpang thalo hi mi nih theih afawi deuh tinak asi.   ( 13 ) Danger past, God forgotten           - Thinphan thlalau nak adih tik ah Pathian kha philh asi" tinak asi. Asawh duh mi cu tihnak /thinphan nak / harnak um tik poh ah Pathian auh zokzok i mah tihnak le harnak in vun luat tik ah Pathian kha philh diam asi tawn tinak khi asi.   ( 14 ) Eat to live and not live to eat           - Na nunnak ding ah ei law ei ding lawng tu ah nung hlah" tinak si. Ei lawng rianh i tuan ve lo kha minung phung asi lo tinak asi.   ( 15 ) Medicines cures the man who is fated not to die.           - Athi ding asi rih lo mi pa cu sii nih adamh khawh" Tinak asi. Thihcaan achuah cang ahcun zeitluk thlopbul zong ah an thi ko tinak khi asi. Chinese phungtlukbia asi.   ( 16 ) People who have little to do are excessive talkers           - Aholh tamtuk mi khi rian tlawmte lawng atuan mi an si" tinak asi. Asawh duh mi cu mi holh kho tuk khi an holh nak ah an rian tu atlolh mi an tam deuh ti nak asi.   ( 17 ) There is no secret that is known to three.            - Minung pathum nih theih cang mi biathli cu biathli asi ti lo" tinak asi.   ( 18 ) Open rebuke is better than secret love            - Lungchung uam mi duhnak nak in lenglang in i sik hmanh a tha deuh" tinak asi. Asawh duh mi cu phuan ngam tung lo in mi fak pi in duh i mah pi lawng nih thideng in rak tuar len nak cun va kal i va sik len hmanh hmanh khi atha deuh ti khi asi.   ( 19 ) A live dog is better than a dead lion          - Anung mi uico cu athi mi chandeih nak in a tha deuh" tinak asi.   ( 20 ) Speech is silver but silence is golden           - Biachim hi Ngun asi i daite um hi Sui asi" tinak asi.     Ka peh than te lai.   Kawi Khen Kitchener, ON   "The genius, wit, and spirit of a nation are discovered in its proverbs". Francis Bacon  ------------ --------- --------- --------- --------- --------- --------- ---------   Keimah phuahchom mi:   A look that cheats, a book that teaches A hook the catch, a rook that loots A wise who search, a wick who weeps A man who feats, a dump who fails   A wife who rules, a hub who loses A house that hosts, a bowl that boils A son who learns, a boy he is A turn that comes, a man he is ================= Life is like a book, everyday is new pages

Mittha mi hna rolung phun cu mi thinlung ah a si!

Mittha mi hna rolung phun cu mi thinlung ah a si! Nai hrawng cu ka khua ruah mi chung ah, kan nu le kan pa a si mi, Sisi Nu le pa, an I tel peng. A rauh hlan ah Australia ah an chungkhar ning in an kal cang lai ti mi thawngpang ka hawile sin in ka theih I khat lei ah, chungkhar ning in Australia ah nuamten khua an sak ding mi cu lomh a um tuk ko na in, khatlei ah an kal tak ding mi an fanau le hna kan sican dinning van ruah zawn ah nu lo ngakttahfa bang heih kan veih ne lai hi aw … tiah kai ti sek len. Cun a dang ka ruah tawn mi pawl le thinlung chung ah a cam ngai mi kong hna zong a tawi nak in ca in ka van ttial ve. Thuro Megazine nih, ( kan pa) Sisi pa interview an tuah mi Philippines ka phak hnu ah ka rak rel bal I a donghnak bik I a biacah mi kha nihin tiang ka philh kho lo. Cu a bia cu a bianing te in ka ttial kho ti lai lo ca ah kai cinken peng rih mi ning in ka van ttial hmanh lai. Cucu - Laimi pakhat le pakhat I dawt le I bomhchanh kan hauh nak; Lamttha a hmu kho tu hna nih miphun ca ah lam sial piaktu ttha kan si a herhnak; Miphun ca ah lam phittu le tthanchonak dawntu kan si lo ding mi kong pawl zong hmual ngei taktak in bia ca in a rak chim. Cucu these ram, ramcar I din ding mi ti thiang a hmu ko na in midang a chim siang lo tu bantuk kan si lonak ding kong zong he a chim I a tahchunh. Hi bia sunglawi hi, kan pa nih, a mah pumpak nunnak le inn chungkhar hrimhrim nih an tuah hmasa I an nunnak nih an langhter. Zeitluk in dah ai zuam I duhsak nak nganpi he Laimi degree sang le cathiam kan um khawhnak ding le kan fim khawhnak ding ah ai zuam ti mi le a zeizong kan herhnak ah, a kan bawm peng tu kan pa a si ti cu kan thinlung chung ah roca bang in ai ttial cang viar mi khi a si ko. Ka Pa Sisi pa hi a ral a ttha, a piatta, a punhlin tuk ti hi an chim peng. Laimi kan pa ciammam bak! Harnak le lungretheih vansannak kan ton can ah kan nu le kan pa sin ah kan ra tawn I ruahnak kan hal, bawmh zong kan hal tawn I a kan bomh, ruahnak zong a kan pek. An thladem tang ah hnangam te in kan um zungzal hna. Kan nu le kan pa a si mi, Sisi Nu le pa te chungkhar hi Laimi kan ca ah (Laimi ca lawng hmanh ah a si lo) heu le dih, tlum le ral an i siang peng. Pathian nih Abhram sin ah biakamnak a ser i a rak ti mi bia cu "You will be the blessing of others" ti mi kha a si i cu bantuk ve in Sisi nu le pa hi Laimi kan ca ah thluachuah kan hmuhnak an si ve hrimhrim. Lai mino tampi kan nunnak a tlangpi in kan zoh ahcun self esteem le self confidence te hna hi kan ngei kho lo ngai I can tampi ah miphun dang sin ah inferiority lungput kan ngei tawn. A ruang cu kan ram cozah uknak politics a tthat lo ruang ah ttih le phannak hna kan rak ngeih peng i kan thi tiang an kan hrawh; kan education le system tthat lo tuk ruang zong ah a si lai; cun kan economics dirhmun hna ruang zong ah an si ko lai. Hi nih a van langhter mi hna cu Laimi tampi tthancho kan herh tuk ti nak a si ko. Cun khat lei ah, harnak phun tampi chung hna in life struggle a tuah ve mi kan si mi hna zong nih kan nunnak hi a sunglawi ter, a haar ter ve i man a ngeih ter ngaingai ve. Kanmah kan i hmuh nak ahcun Laimi kan tthangcho tuk ti hi a si. A tthangcho zong kan tthang cho taktak ko (midang he tahtthimh awk kan va tlak rih lo hmanh ah). Kan u le chan hna, kan pa le chan sining hna an kan chimh tawn mi tuanbia he tuaktthimh ahcun tampi tthanchonak lei ah kan I thleng ve. A hlan ahcun Laimi a si mi hna nih Laimi ka si ti hi mi tampi nih an I zah pi ti a si. A tu ahcun Lai mino hna nih Laimi ka si ti cu kan i uan pi tuk cang. Cucu kan nu le kan pa le hna, miphun an dawtnak ruang ah le an I zuamnak ruang i a thei par a rak si ko. Cun kan pa Sisi pa thawng in, Laimi dihlak, Philippines ah hmai a hngal i hmailei mino hna kan ca ah thazang tampi a kan pek, lamttha a kan hmuh sak i confidence zong a kan ngeih ter. Kan nu le kan pa nih an kan kal tak cang lai.. An kal hnu cun UTS campus pi zong khi, Laimi kan ca ah tthing demduam deuh pi khin a um cang lai ti khi ka mitthlam ah a cuang. A tu, an umnak run inn hna ah khin, laimi kan neh le nang a um kho ti lai lo i neh le nang tthing hna kha nehbuar an kai cang hna lai. Cu hlan bantukin kan chumh kan chuannak kan lungthu tappi hna ah meikhu hna zungzal in a zam mi kha a tu cu ttian hram an i thok cang lai mu ka ti; Kan aw kan an, kan nih kan rak lennak thawngpang hna kha an dai cang lai. Inncar haipi kung tang I lungpherh cung tthut le hawile he duhbia phainak hmun le hma zong kha pang an kai cang hna lai mu ka ti. A sinain kan nu le kan pa a si mi, Sisi nu le pa nih kan nunnak ah chimcawk lo mi influence an kan tuah mi thilttha hna cu kan miphun le ram ca ah ceunak a phurtu le damnak a phurtu a si hrimhrim lai. Laimi phun an dawtnak, an dir kamhnak, an fa nau le an kan zohkhenhnak, duhsak piak nak, bomhnak le dawtnak hna cu an buar kho ti lai lo i a tlau kho ti lai lo. Zeicatiah mittha mi hna an rolung phun cu mi thinlung ah a si i zeitikhmanh ah an ttial cia mi tuanbia ttha kha philh khawh an si ti lo. Upat pek bu he, Lal Awi, Baguio ================= Life is like a book, everyday is new pages

Ram chungah himnak a tlawm chin lengmang

Source: Laiforum Mail (14 April 2009) Ram chung ah himnak a tlawm chin lengmang Naite ah khan Rangoon ah a ummi ngakttah sianginn le biaknak lei college cheu khat cu Kawl Ralkap Uktu hna(KRU) nih khar ding in order an pek hna, ti asi. Cu lak ah college pakhat cu 1970 thawk in tazawin tein registration a tuah mi asi, tiin theih asi. KRU nih kanhnulei kum hra hlei nga thawk in Krifami le tlangcung mi pawl hremnak le namnehnak an rak tuah mi kha atu ah an hun tthanter  chin lengmang mi asi Kum 2008  December thawk in nihin ni tiang ah KRU nih Rangoonkhua kiangkap i a um mi biakinn  100 leng an khar cang. Pastor 50 hrawng kha pumhnak tuah khawh ti lo ding in biakamnak min an thut ter hna, ti asi.  Cu ti an tuah mi nih Rangoon ah a ummi biakinn 80% kha harnak a pek hna, tiah Christian Solidarity Worldwide (CSW) nih thawng a thanh. KRU nih cu ti a tuahnak a ruangpi pakhat cu; Nargis rili tilet ruangah harnak a tongmi hna bawmhnak ah khan Krifabu  an i tel ca-ah asi, tiah khuaruahar ngai in theih asi.    KRU nih cun Kawlram chungah Kawl miphun pakhat lawng kan um.  Ethnic nationality nan timi "taingzintaa" an um lo, tiah New York khua ah a um mi UN zungpi ah an chimh hna. Asullam cu, Chin, Kachin, Karen, Shan tbk., pawl hi mi phun dang an si lo, Kawl lawngte an si dih ko, an va ti hna.  Laimi nih "unau laihri tlai kan si," kan ti ttheu bantuk hin an nih nih "Tta u ttung sinn, ngi a ko zin kan si", tiah rul nih a meite a hngerh i, zu le va nih rawl ah an ruah i, an rak tlanh sual cangka a dolh hna bantuk khan, a aw-an aa thlum ter i, a thei lo nih i zumh sual ah dolh dih ding in setan ngian in a kan lem mi asi.  Cu kong fiang deuh in hmuh khawhnak cu atu KRU nih an suaimi constitution ah an langhter mi Kawlram puanlang(national flag) thar ah "ARFI' pakhat te lawng an cuanter mi kha asi.    Ram chungah cun Laimi bantuk "taingzintaa" timi pawl zapi kha Kawl holh holh dih ding in le Budit biak dih ding in ciammam tein timhlamhnak an ngei i, cu rul policy cu biatak tein an lo hma can ah an kalter.   Mah kha, Kawlram ah Krifa biaknak hloh i, Budit biakter dih hnu ah Laimi sinak hloh i,  Vaimi siter dih ding in an timh mi cu asi.  Mah kha "Ethnic Cleansing" kan ti tawn mi le "Burmanization" an tuah ee, kan ti tawn mi hna kha an si. Phun dang in chim ahcun KRU cu Laimi cungah "RUL POLICY" a ngei, tinak asi ko.    Laimi cu Budit biami ram ah Krifa kan si i, a hlum tein kan um ca-ah kan Krifa sinak hi kan miphun theihtlei identity ah aa cang.  Kan Laimi sinak le kan Krifa sinak cu tthen khawh lo tiang in aa tlaih-tthup i, fek tein aa sengh tikah Laimi(Chin) vun ti le cangka Krifa asi lai, tiah ruah asi colh bantuk in Kawlram mi ka si, Krifa ka si, vun ti le cangka Laimi asi lai, tiah ruah colh asi.  Cu tikah kan Krifa sinak hloh cu kan Laimi(Chin) sinak ci hloh kha asi ko.   Kum hmasa deuh ah khan kawlrawn ah a um mi fanau le pawl sianginn an up tik hna ah, an Lai min, Tluang Khar, Thla Hre, Hram Uk, timi pawl kha Kawl min ah thleng dih uh, tiah hranhram in an fial hna.  Kha ngakchia Lai fanau le pawl kha an hun upat tik ahcun an Laimin tete kha an philh lai, asiloah zei ah an rel ti lai lo.  An min hram ah "Salai" asiloah "Mai" tete an chiah lo ahcun a dongnak ah cun an miphun Laimi(Chin) sinak zong kha a lo te lai. "Nga Chin ma hoh, a phe Chin phit de," aa timi cazin ah khulrang ngai in an lut te lai.   A cunglei kan chimmi "Rul Policy" kha atu ah KRU cu tazawin cozah an si lo ca-ah thli thup  deuh in an tuah cuahmah ko nain a theimi mit chung ah cun fiang put in a lang ko. Zoh u law, Rungtlang ah vailam tung bunh mi phoih riangmang i, cuka hmun ah phungki lukawng dir ter cu, kan in tei hna, kan in uk hna, kan ke tang ah nan um, hei ti kha asi ko.  Cu cu hlan lio Kawl siangpahrang nih Shan te hna, Mon te hna Rakhaing te hna an rak tuk i, an tei hna tikah tlangbo cungah puanlang tar i, kan tei cang, kan uk cang hna tinak langhternak can ah budit pura an rak sak tawn bantuk kha asi.    KRU lutlai Tang Suai cu a mah le a mah siangpahrang ah aa ser i, hlan lio siangpahrang nih ram a rak ukning sattal in ram uk a duh.  Nepyidaw ah Anawratha, Bazinh naung, Alawng paya, hei ti bantuk hlan Kawl siangpahrang panga hna milem kha sang pipi in a sak hna i, a tar hna kha nan hmuh lai. Bogyoke Aung San bantuk ram a sersiam mi hruaitu hna kha cu hloh khawh aa zuam lai.  Atu ah Kawl tangka caku cung ah saram zuk lawng a cuan kha nan hmuh lai.  2010 kum thimnak kha hranhram in a nam chih te lai i, a dih tik ah cun atu ah  firkhut in a tuah mi pawl hi tazawin in langhngan in a tuah te lai.  A ka nih cun 'democracy' a chim lai.  A taktak  democracy kong a chimmi  hna kha cu a tlaih hna lai i, kum 45 tiang thong a thlak hna lai.  Federal kong a chimmi cu kum 90 leng thong a thlak hna lai.  Cu bantuk in kan hmaika ah thil tampi a tuah kan hmuh ko bu ah zeitiin dah kan zumh khawh ti hna lai. A zeiti hmanh in zumh khawh ding an si lo.    KRU nih 2010 ah thimnak kan tuah lai, an timi hi mah "rul policy" bak cu asi.  An firkhutnak vialte kha tazawin ah an canter lai i,  mifir nih tazawin in ram uk khawhnak lam an sialmi tu asi kha ramchung ramleng khuaza kip ah a ummi Chin miphunpi nih kan theih dih ding ah ka hun phuan mi asi.  Ramleng rian ttuanmi hna nih ram chungah kan kuat mi hnik khat tete hi KRU caah cun an nunnak ca ah thazaang si asi ve.    Cuca-ah ramleng rian ttuan mi hna nih khuazing Pathian nih an zaangfah i, an pekmi Bawipa thluachuah sunglawi asimi nan tangka ngeih mi hnik khat tete kha KRU bank ah chiah ding ah cun fak piin iruat hmasa nan hau lai.  Ziah tiah KRU cu setan ngian a ngei.  Setan rul cu dolh a hmang.  A pelte hmanh zumh awk tlak asi bal lo.   Salai Vantu

EASTER SUNDAY SERMON by Vawkuu

Kan Bawipa Jesuh nih a kan phorhmi Thawngttha Text: Marka 16:1-8 "Sabbath ni kha a dih tikah Mary Magdalin le Jeim nu Mary le Salom nih khan Jesuh ruak thuh awk caah cun zihmui kha an i cawk. Zarhpi Ni zingkate, nichuah kate ah khin, thlan ahcun an va kal. Lam ah cun pakhat le pakhat kha. " Thlan khar lung kha ahodah a kan thawnpiak te lai" tiah an iceih. (Akhar cu lung nganpi a si). Cun an hun zoh i lungkha a rak i thawn cang. Cu caah thlan chungah cun an lut i puan rang aa aih i orhlei kam i a rak thumi tlangval pakhat an hmuh i an lau ngaingai. Cu pa nih cun, " Nan thin phang hlah u. Vailam ah an tahmi Jesuh, Nazareth khua mi kha nan kawl ti kha ka hngalh. Sihmanhsehlaw hika ah hin a um ti lo- a tho cang! An vuinak hmun hi zoh hmanh u…………" Dawtmi Unau hna, kan phan bal rih lo mi nihin ni zingceidawh nih nang le kei caah thawngttha pakhat a rak phorhmi cu; Kan Bawipa Jesuh Krih cu thihnak in a tho than cang! ti hi a si. Thihnak tei tu kan Bawipa Jesuh Krih min thangthat si ko seh! Vawlei cung ah biaknak tampi he zumhmi phunphun an um cio. A sinain cu an biakmi pathian hna cu thihnak teitu Pathian an si lo. Kan Bawipa Jesuh cu zultu hna sin le kan sinah bia akan kamh bantuk in nithum hnu ah a tho than! Kan Bawipa Thawhthannak cu kan caah a sungluai tuk hrinhran i, sullam angei taktak. Zeitiahcun Paul nih I Corin 15:17,18 ah a kan ti bantuk in, kan Krihfa sinak le kan zumhnak hi Bawipa Jeush thawhthannak nih sullam a ngeiter caah a si. " 17 Cun Khrih cu thawhter a si lo ahcun, nan zumhnak cu hlennak men a si hnga i nan sualnak chung i nan tlau ko rih a si hnga.18 Cuhleiah Khrih a zummi a thi cangmi zong kha an lo tlau dih ti a si fawn hnga" Cu caah tuzing caan ah kan Bawipa Jesuh thawhthannak nih Thawngtha (Goodnews) akan phorhmi hna lakah pathum hi ihrawmtti kan duh hna. Nunnak thar Jesuh thawhthannak (Resurrection) ti cu "thih hnu nunnak ngei" ti khi a si ko. Tu Vawlei cung pumpaluk in kan zohtik ah, Easter Sunday timi biafang nak in Resurrection Sunday ti hi mikip nih an hman duh deuh ngai cang. a sullam cu a va ikhah ko hna nain Resurrection Sunday ti hi ka uar deuh ve. Hi nih a langhter mi cu nang le kei zong amah chungah kan um i, Jesuh zong nih kan chungah a nung ve ahcun kan thih hnu zongah nunnak thar pek kan si lai ti hi a si. Cu ruangah Pathian fa a si i, Amah a zum mi poah cu thih hnu nunnak kan ngei ve dih, a thicia mi zong siseh, a thi rih lo mi zong kan dihlak caah nunnak thar petu Bawi a si. A thihnak ah kan thi ve, a thawhthannak ah thawhter than kan si i Amah nunnak thar kan ihrawm ve. Cu caah Jesuh thawhthannak nih a kan fianhter mi cu vawlei cungahhin voikhat cu kan thih ve dih cio ko hna lai i, a thothan bantuk in thawhter than kan si ve lai. Cun Jesuh he zungzal nunnak kan ihrawm than te lai khi a si. Cu cu nang le kei caah Thawhthannak (Resurrection) sullam cu a si. Thawngtha sungluai tukmi a si. Pathian min thangthat si ko seh! Ruahchannak thar Kan Bawi Jesuh a rak thih lio ahkhan azultu hna le a nu Mary le innchungkhar hna cu ngaihchiat lungkuai in an rak um. Sihmanhsehlaw cu tin an ngaih a rak chiat tuk lio caan, ruahchanhnak zeihmanh an rak ngei ti lo lio ah khan, a thawhthan nak nih lunglawmhnak, le ruahchanhnak a vun pek than hna. Dawtmi u le nau hna, nifa kan nunnak ah ngaihchiatnak phunphun, beidonghnak, lungdonghnak le harnak phunphun kan ton cio ko hna lai, sihmanhsehlaw, Nang le kei ruahchanhnak pekawk ah nihin ni zingah kan Bawipa Jesuh a tho than cang! Ngaihchiatmi hnemhawk ah le, lungdongh mi hna ruahchannak pek awk ah nihin Amah a zummi kan pumpak cio ah a nunthan cang. Na zumh ahcun na chungah a nun i, na caah ruahchannak le hnangam deihnak pe tu Bawi a si. Jesuh thihnak in a thawh hnuah Zarhpi ni zingkate ahkhan Mary Magdalin sin ahkhan a lang hmasat bik (Marka 16:9), Mary cu ahawi le kha a chim hna. Nihin ah kan pawngkam ummi kan hawidawt hna cu hi thawngtha hi hrawm ve hna u sih. Beidonghna le reitheih ngaihchat mi hna zong hnem hna uhsih, bomhhna uhsih, dirkamh hna uh sih. Thazang pek hna uhsih. A nungmi, adikmi ruahchanhnak le thih hnu nunnak (life after death) a ngei kan sinak hngalhter ve hna u sih. Lungrualnak thar Cun kan Bawipa Thawhthannak nih a kan phorhmi cu ruahchanhnak lawng si lo in lungrualnak le idawtnak zong akan phorh chih. Mary le a hawile pawl, le a zultu pawl hna nih hi thawngtha an theih lio ahkhan, pakhat le pakhat cungah an lung aa lawmh i, lungrual te in mikip sinah hi thawngtha hi an rak aupi ti kan hmuh. Cucaah u le nau hna, Pathian a zultu le a zumtu kan si bantuk in, kan umnak cio te ah lungrualnak he pakhat le pakhat cungah dawtnak ngei hi nihin nizing ah Jesuh thawhthannak nih a kan hmuhsak mi a si. Cu cu Krih a fa sinak aa hngatchannak pakhat zong a si. Lungrualnak (Unity) ngei hi Pathian fa kan sinak tehte pakhat a si i, Krih ah pumkhat kan si nak tehte (Eph 4:4) zong a si. Cun teinak le hlawhtlinnak hrampi pakhat zong a si chih. WCC an motto tlangtar ah doctrine divide, Service Unite an ti bantuk in kan biaknak background le kan chuahkehnak hna ai dan cio ko zongah Jesuh ah pakhat kan sinak, lungrualnak le dawtnak tuanti, tangti, thangthat ti hna usih. Kan nunnak ah Krih ah pumpkhat kan sinak lungrualnak hi kan upat i sullam kan ngeiter si ahcun kan cawnnak le kan tuanhawlnak ah hlawhtlinnak kan hmuh zungzal ko lai. Pathian sungparnak a lang zungzal ko lai. Nihin nithar ah Kan Bawipa Jesuh thawhthannak nih akan phorhmi thil pathum Nunnak thar, ruahchanhnak le Lungrualnak thluachuah cu kan dihlak cungah hmun cangcim hram seh. Nan Unau, VawKuu PS: Mah sermon hi 12 APR 2009 Easter Sunday ah chimmi a si. ================= Life is like a book, everyday is new pages

ZIT SERMON (11 APR 2009) by Rev Chan Ling

Zarhkhat A Nguh Lo Mi Thangtthatnak (Mtt. 21:9 , 26:40 , 26:49) Bawipa thawhzarh Sermon Hi bantuk in hmunkip um mi kan Zophei mi sinah thawngttha phuan kho ding in caan ttha a ka pe tu ka Pathian cu a min zungzal thangtthat in um ko seh. Kan tlak tlin lo bu in hi bantuk caan a ka hoih tu hna Zophei kan pa le cung zong ah kaa lawmtuk ti chim hmasa ka duh. Pathian nih sunpar nak co zungzal ko seh. Hi bantuk kan Bawipa a thih caam tuak he i tawn in caan nan ka pek ka ruah ah hin ka thin lung phun dang ngai in a um. Phungchim ding tampi um ko hmanhsehlaw chim kaa tim lo i a thih nak kong he pehtlai in " Zarhkhat hmanh a nguh lo mi thangthat nak, ruangah a chuak mi thih nak ," ti nih hin ka lung a ka suk tuk i hi bia, bia tlang hmang in i ruah tti hna u sih ti ka duh. Kan rel mi Bible ah khan kan hnu zarh Palm Sunday ti mi ah kan Bawipa Jesuh sunglawi ngai in Jerusalem an luh ter i kan Siangpahrang a si cang lai an ti ruangah thangtthatnak an pek i an si ning dih lak an siannak kan hmuh. An thangtthat hnu zarhkhat a rauh hlan ah Gesmanidum nili zan Pa sin thla a cam kar ah Peter le a hoi le nih an rak i hngilh tak dih i kan Bawipa nih Peter suimilam pakhat hmanh nan ka ngak kho lo maw?, a vun ti i cu luk lak ah a dawtbik mi hmunkhat ah rawl kho a purh tti mi Judas nih Saya ti in a rak hnamh i cu a hnamh bak ah a hnu in thircikcin nih a zulh cawlh. Hi thil hna ka tuak i ka lung a ka suk tuk i ka miphun hoi a si mi Zophei mi dih lak zong nih bia tak deuh in ruat u sih ti ka duh. Isaiah -43:21 ah cun Minung hi a mah thangtthat tu ah a mah Pathian nih a caah aa ser mi a si zia kan hmuh. Cun Salm-146:2 ah cun kan nunnak a um chung poah cu ka thangtthat lai a ti fawn. A ho kan si ah kan duh bik mi le kan i lawm bik tawn nak cu thangtthat kan co le cawnghlawmh kan co can khi a si tawn.Pathian nih a duh mi cu keimah zong thangtthatnak ka pe hna sehlaw Vawlei minung an mah le an mah zong i thangtthat hna sehlaw i lawmh ter cio hna seh ti cu a kan duh mi a si. Nihin Vailam i an khenh mi kan Bawipa kong ruah ah hin a ho rual nih hme an that i an hrem ti tikah zahan zarhpi ni i Jerusalem a luh lio i a dong tu ,an thil ngeih mi vialte a caah an phah piak i a thangtthat tu hna nih an that ti hi vawlei cung pi theih a si. Hoi dawt an thangthat lio ah khan cun zungzal an Siangpahrang ca ding ah le Uktu ding ah a si na-in an ruah ning a si lo cang ka Vailam ah that ko u ti in an ttang tthan. U nau ni hin kan Pathian biak ning le thangthat ning hna hi ruat tthan ve hmanh u sih. Biakinn chung i suimilam caan chung te ah cun thiang hirhiar in thinlung tak in a thangtthat mi kan lo. Na-in Biakinn leng kan chuah cun kanmah kel kan i chuah tthan tawn. Biakinn chung kan um ah cun " zeizong te kan pek" kan ti i kan din, kan ei, kan hmawm, kan khai,kan zuk zong a mah ah kan chanh i kan kut ah a um lo. Pumh a dih cang ka a cheu innkaa hmanh chuah hlan i Jesuh kut chung cun kan chuh tthan cawlh i kanmah nih kan i ken tthan tawn. Biakinn chungah cun bia ttha le holhkaa ttha , mithmai ttha long a leng na-in a leng kan chuah cun a lo tthan dih. Rom-1:21 ah cun," Pathian cu, hngalh cu an hngalh ko, sihhmanhsehlaw pek awk a tlak mi Upat nak kha an pe duh lo, a lawmh zong an i lawmh duh lo a ti. "Nang tah aa tlak mi thangtthatnak le Upat nak cu na pe ve maw?". Mi tampi ram leng chuah lai hmang i Pathian thangtthat le lawmh kan duh ning kan Pastor le cung i kan i lawmh ning le nu le pa, Khrihfabu cung i kan i lawmh ning hna hi ka ruat. Micheu cu kaa lawm tuk Pastor kan philh lai lo an kan ti i kawlram in an chuah hnu cun an kan thei ti lo, Lakphakti man hna cu chim lo thawngpang hal hmanh kan tong ti lo. Cu bantuk tthiam cun Malay in ram thumnak lei a chuak mi hna zong an kal nak ram an phanh hnu cun hnu lei in thlacam piak tu a philh kan tam ko cang. " Nang tah na philh ve sual maw?". Cun nu le va kong ah Mi tampi cu thih hlan lo long hmanh si lo in thih hnu hmanh ah aa tthen kho lo ding tluk in an i duh an i daw, na-in a rauh hlan ah an i then, a cheu an fa le khoi zei lei kan panh lai ti theih lo in a vaih ter mi kan tam cang. Judas nih Jesuh a hnamh mi cu minutes hmanh a daih lo. Cu bang tu lio mi tampi a lang in nu pi hna cah can kan phan i a lang in muih nak in phaisa tam ruang hna ah maw …Ee..ti in ram leng chuah in i tawn taktak ah cun a si kho than lai lo ti in aa tthen mi an tam tuk . Phaisa hnamh cu a nuam na-in minung ngai i hnamh chih ko cu kan i harh tawn. Nu le Va kar i kan i duhnak le kan i dawtnak hna hi chan tling a nguh mi a si awk a si. Ramdang a pet mi hna nih ruah awk bia in ka duh mi cu kan i thangtthat nak le kan i lawmhnak hna hi zei tiang dah a nguh awk a si ti hi kan fian deuh awk ah ka duh. Ram dang phanh tik ah a phan hmasa mi hna nih rak dawn cu a si i a hnu a hung phan mi hna nih kan i lawm tuk e tiah toidor te in bia chim le thangtthat nak pek an si. Tlawm pal an vun um i an mah te in um kal an thiam nawn cun hmasa i an ca i a rak tuar tu hna le dawtu hna kha zei ah an rel ti hna lo. Kan phanhnak kip ah hin thangthat le lawmh nun a tam ah cun kan miphun hi kan i daw chin lai i kan i hlum chin lai i, kan tthang cho lai. Thangtthat le cawnghlawmh nun kan dai thlanh ah cun kan phun pi in kan zawr chuk chin ko lai. Ngak chia te hmanh a lawmh zia kan thiam hna ah cun nawl an ngai khun i kan herh mi hlawh a tling tawn. Na nu pi zong a tuah mi thil hme te cung ah a lawmh zia thiam hnik an dawt deuh hrim hrim lai. Na va zong kha nangmah kan vat cu ka van tha tuk, nangmah hlei in pa vialte lak ah ka lung a cam mi an um lo ti law na ruah lo mi thil ngan zong an cawk piak ko lai i an dawt khun ko lai. Isaiah-1:2-3 ah cun ka cawm cia ka ken cia ka fa le lila nih an ka doh i an ka ral a ti.. Na ca i Bawipa tthat nak ruat tthan law a mah cu thangtthat law lawmh tuah.Bible ah cun ser mi thil dih lak nih thangtthat hna seh ti kan hmuh i cu lak ah minung cu a mah Pathian muikeng le a thangtthat tu ding ah a kan ser bang , fak chin chin in thangtthat nak le lawmhnak pe hna u sih. Zarhkhat lawng a nguh mi thangthatnak si lo in a zungzal in  thangtthat le lawmh a dai lo mi kan si zia thei cang hna usih. Kan miphun chung U nau pakhat khat na lawmh le Pathian rian tuan tu kan lawmh hna hi A mah lawmh le thangtthat a si zia zong thei usihlaw a tu thawk in Jesuh cu zarhkaht long a nguh mi thangtthatnak si lo in a zungzal a nguh mi thangtthatnak le lawmhnak pe hna usih ti forh fial bu in ka phungchim ka dongh ter. Kan Pathian nih thluachuahnak pe ko seh….Amen… ------------------------------ "The Greatest Hope of Society is Individual Character"